فلسطيني يحرق علم الكويت
حتى لا تننسى اهل الفلس و الطين
جم معاشك ؟ وشلونك انت
السلام عليكم ياجماعه
-
انا اليوم بتكلم عن موضوع معين عن الناس اللي مايحبون يقولون جم معاشهم
مادري شنو السبب لما تسأل فلان جم تقبض يتبلعم ويضيع السالفه ويتضايق ؟
زين ليششششششش ؟
يعني استغرب لما يسألك شخص يقولك جم معاشك وارد عليه ولما تقوله جم معاشك يضيع السالفه ويستهبل
اعتقد هذا مرض او خوف من الحسد وادري مذكور بالقرآن لكن اذا كان هالشخص صديق لك مثلا
شنو الحل وياه يعني ؟
انا صارت وياي مع اكثر من شخص ولما تسأله يلف ويدور شدعوووووه
انا ماختلف وياكم حريه شخصيه لكن لاتسأل شخص وتنطر منه اجابه وانت ماتحب تجاوب على هالسؤال لما يسألك غيرك
-
قاعد اعد الايام احس المود حده تعبااااان اول مره انطر الويك اند بهالطريقه احس اني مو قادر اتحرك ولا شي
دايم تفكيري يخلق لي ازمه واكبر الشي واهو مايسوى .
-
اكتشفت هاليومين فعليا ان هناك نااااااس عقولهم خاااويه من داخل ومو معناه اللي ساكت انه غبي ومايعرف شي
لا لانه يسمع ويفهم اكثر من اللي يسولف اللي يكثر خطأه , واكتشفت اللي يسولف بكثره ويقول كلام مامنه فايده عشان يوصل كلمه وحده يبيها
انه انسان مايعرف شنو يبي بهالحياه ويبي يثبت وجوده بين مجموعه .
-
في الفتره الحاليه شفت ان بعض البنات عندهم جرأه اكبر من الشباب مو بالشكل واللبس , لا بطريقة الحوار وشي حلو صراحه وعجبني تمنيت الشباب يملكون الجرأه اللي عندهم .
-
في الحوار اللي صار اليوم حسيت الشباب والبنات محبطين بشكل كبير شي يحز بالنفس فعلا ان عندنا بعض العقووله الممتازه لكن ماعندها فرصه تبدع لان الواسطه والمحسوبيه والرؤيه اللي تحبط عيالنا ان الكويت ماله خلق يشتغل .
-
الكويتي من انظف العقول على فكره واكبر دليل دراسته قبل الامتحان بليله وياخذ درجات اللي كان يدرس شهور من بعض الجنسيات وياخذ نفس تقديره واكثر .
بسووولف
السلام علييييييكم ورحمة الله وبركاته
طبعااااا لازم البووووووست مالي لايخلو ولو حبه عن الاكل فديت الاكل انااااااااا ههههههه
اليوم لوجك ماقصر مضبطنا من كيك ان بيييييك بهالفطاااااااير الحلووووه
والكيك وهالسوالف الطيبه
وشي حلو صراحه وتسلم ايديييييييينه
__
اليوم كان اول يوم بدورتي ,, وكان بمنتجع صحاري الكويت صراحه كان المكان حلو
وعجبني ملعب قولف ومضمار للخيل وصالات مساج واسترخاء ومادري شنو بعد بس حلو المكان
اييه نسيت في فلل بالمنتجع شي حلو ومرتب
__
المحاضر اليوم كان ممتاز وطريقة طرحه حلوه وعجبتني طريقته , طبعا مدحني وانا تشققت جذيه صرت ^_____^ .
بس للحين لانه اول يوم احس مزاجي مو اوكي ومو متأقلم ان شاءالله انطباع اول يوم هذا يكون بس ومع الايام يختفي ..
__
قبل جم يوم رحت اسويلي ريوووق وحبيت ابدع فيه وسويت بيض ونقانق على جنب
بس خربتها لان خليت الزبده على نار وقت اطول واحترقت وطلعت طعم مو حلو
نصيحه لكم : حطوا دايم شوية زيت مع الزبده عشان ماتحترق
____
امس قزرت يومي كللللللله افلام فلم ورا فلم من الافلام اللي عجبتي حيل وكان فيها عبره
فلم Pay it Forward
الفلم قوووووي قوووووي مع انه قديم شوي مادري شسالفتي على الافلام القديمه
قصة الفلم تتكلم عن رد المعروف بما معناه ان انا سويت معروف فيك انت ترد هالمعروف لثلاث اشخاص
والفكرة بدت من واجب مدرسي للطالب وبعدها يبلش الفلم احداثه مابي احرقه عليكم لان اتمنى تشوفونه ..
لكن تحذير ,, نهاية مؤلمه بجد ..
فلم ممنوع بالكويت
حظرت الكويت ومعها عدد من دول الخليج عرض فيلم بوليوودي يتمحور حول الحياة في اقليم كشمير الهندي، حسبما اعلن منتجو الفيلم.
وبحسب ما بثته وكالات الانباء عن رفض خمس دول هي الكويت والامارات العربية المتحدة وقطر والبحرين وعمان، ان تعرض فيلم ‘لمحة’ (اللحظة) الذي يدعى انه يروي القصة الحقيقية وراء العنف في الاقليم ذي الغالبية المسلمة.
وقال مخرج الفيلم راهول دولاكيا لوكالة فرانس برس ان الحكومة الهندية سمحت له بعرض الفيلم ولم تعترض على شيء، لكن السلطات السينمائية في الخليج خالفتها الرأي، انا اشعر بخيبة امل كبيرة.
واضاف دولاكيا انه صدم لان الفيلم حظر، فهو يعتقد انه يتمحور حول ‘السلام والاخوة’.
وقال المنتج بونتي واليا ان موزع الفيلم في الشرق الاوسط اكد الحظر الفيلم الذي بدأ عرضه في الهند يوم الجمعة الماضي هو من بطولة الممثل الشهير سانجاي دات والنجمة بيباشا باسو.
وقد كتبت باسو على موقع المدونات الصغرى تويتر، ‘حظر فيلم صريح.. ماذا حل بحرية التعبير؟’. فيلم «لمحة» لم ينل استحسان المسؤولين عن الرقابة وسكان كشمير انفسهم، مع ازدياد الاستياء من حكومة نيودلهي في منطقة الهمالايا الشديدة الاضطرابات.
وكانت لجنة الرقابة الهندية اعترضت على المقتطف الترويجي للفيلم، وبشكل خاص على وصفه كشمير بأنها «اخطر مكان في العالم» مجبرة دولاكيا على حذف بعض المشاهد.
ويبدو ايضا ان السكان المحليين اجبروا طاقم الفيلم على اعادة تصوير احد المشاهد بعد استيائهم من وصفه للمنطقة التي تشهد قتالا ونشاطا انفصاليا منذ عقود.
ويعود النزاع في كشمير الى تقسيم شبه القارة الهندية بعد نهاية الحكم البريطاني عام1947، وقد تسبب في حربين من اصل ثلاث حروب بين الهند وباكستان.
المصدر الآن
الدوري الكويتي الاول خليجيا والثالث عربيا
انتزعت الليغا الإسبانية صدارة الترتيب العالمي من البريميرليغ الإنجليزي الذي هيمن على المركز الأول لفترة طويلة جدا.
الدوري الإنجليزي الممتاز لم يعد أقوى دوري في العالم والليغا تحتل المركز الأول في عالم كرة القدم ، هذا هو التصنيف الجديد للاتحاد الدولي لتاريخ واحصاءات كرة القدم الذي قيم القوى النسبية لمختلف البطولات من حيث الأندية والفرق الوطنية.
واشار هذا التصنيف العالمي الجديد إلى تطور كرة القدم في دول أمريكا الجنوبية وغرب آسيا الذي اعتبره في وضع أفضل في النصف الأول من السنة الحالية مقارنة بحال دول شمال وشرق أوروبا من الناحية الكروية ، مؤكدا أن الدوري الإنجليزي تراجع بشكل ملحوظ في الأداء في العقد الأول من القرن الحالي.
في بداية السنة الحالية ابتعد الدوري الانجليزي عن الليغا بفارق 110 نقطة ، بيد أن الأخير قلص الفارق في شهر يوليو ليتقدم على الإنجليز بفارق 94 نقطة.
واليكم ترتيب الدوريات العالمية حسب الاتحاد الدولي لتاريخ واحصاءات كرة القدم :
1. إسبانيا
2. البرازيل
3. الأرجنتين
4. إيطاليا
5. إنجلترا
6. ألمانيا
7. فرنسا
8. بيرو
9. تشيلي
10. باراغواي
هذا وقد احتل الدوري الكويتي لعام 2010 المرتبة الأولى خليجيا والثالثة عربيا والأربعة والعشرين عالميا.. ويتم تصنيف الاتحاد للدوريات على أساس قوتها بالإضافة للنتائج التي تحققها الأندية في البطولات القارية..
واحتلت مصر المرتبة الثانية عشر على مستوى العالم في قفزة جديدة للكرة المصرية والمركز الأول عربياً في حين احتل الدوري الجزائري المرتبة الثانية تلاه الدوري الكويتي ومن ثم القطري فالسوري، فيما جاء الدوري السعودي في المرتبة السادسة عربيا في مفاجئة غير متوقعة..
موقع الان
أشد ألم ..
حزن لا تستطيع الإفصاح عن أسبابه
وتكتفي بقول..
أشعر بالضيق ولا أعلم لما ؟!
رغم انك تعلم يقينا ما السبب ..
ولكنه لا يُحكى ولا يُبكى ..
سوالف نهار الخميس
طبعا قبل جم يوم كان عيد ميلادي وماشاءالله جنهم يدرون ابي اشتري ماك الاغلبيه
عطاني هديتي فلوس عشان اشتري اللي ابيه والله يخليهم لي ان شاءالله
ووصلني تلفزيون سامسونغ ال سي دي هديه من صديقي محمد
ومن اهلي ومن لوجك ومن وجووه الله يخليهم لي ماقصروا وياي فديتهم وهداياهم كانت حلوه ونفعتني تبون الصج
ووصلني هديه امس من اختي عطر قوتشي الجديد فعلا العطر حلووو وكنت افكر اشتريه
هذي العطر اللي حاب يشووفه فعلا يستاهل روعه روووووعه
وفديتهم كلهم واللي احتفلوا فيني
_______
كل مره اغير بالتلفزيون وامر على قنوات
Osn Cinema 2
ومااهتم للفلم هذا
مع انه ساندرا بولك ثلاثة ارباع افلامها حلوه بس هالفلم كل مره اطنشه وامر عليه وعادي
وقبل كنت ماخذ الفلم من وجوه بعد بس ماشفته
والشي لما يكون بالتلفزيون اشوفه اكثر من مايكون ديفيدي مادري ليش
الفلم عموما حلو وعجبني لانه يتكلم عن شي حلو ان في اشخاص بالحياة
طيبين وعلى نياتهم بس احنا نعاملهم بطريقه فضه
والفلم انها اهيا حبت ستيف وتلاحقه لكن اهو مايبيها ويصرفها
وفي شغله لما طاحت بالحفره وقاعده تتحلطم وتقول انا سويت هذا كله عشان شنو
وتركت شغلي ( طبعا بما معناه مو بالكويتي ) لوووووول
عشان شنووو ؟؟
ولما طاحت ستيف حن قلبه شوي عليها وجنه حبها
وقال كلمه حلوه عجبتني حيييل
قال : بما معناه انه لاتغيرين من نفسج عشان ترضين غيرج
وفعلا هالكلمه صحيحه واتفق معاه وجنه نفس تفكيري ( اخاف صج بس ) هههه
عموما مابي احرقه عليكم مع اني حرقته اتمنى تشوفونه مع انه قديم شووووي
_______
اليوم الخميس ومادري وين اروح ومخرب نومي وصاير جني عتوي
مااقعد الا 1 بالليل ومو عاجبني الوضع
والله يعين
عطوني رايكم شلون اعدل نومي انا اذا نمت نمت خربتهاااااا
فيكم خير تقعدوني لا وامصخها حتى لو كنت شبعان نوم
اخخخ
شنو تنصحون مطاعم حلوه في مطعم اسمه جنه
تاكو تايم ودي اعرف مكانه وين ؟
يالله قرقت اليوم
سلام عليكم
…
مسرحيه صينيه قووووووووووووويه
صراحه شي قوي ومتقنين الحركاااااااات ياخي فن
يااااااااااااااظريف لوعت جبدي
يااه والله مشكله هالناس ياجماعه
لما يكون وياك واحد بالدوام يعتقد انه ظريف
والمشكله الثانيه انه لما يتكلم ,, يتكلم بصوت عالي
شوفوني ترا دمي خفيف والطامه الكبرى انه ثقيل دم ومحد يبلعه
وقطاته تخلي الواحد يستفرغ
لا والعقليه الله بالخير والتفكير محدود
والله مصيبه هالاشكال شكثر تمر علي
ثاني مره يمر علي هالنوع
ولما تشخطه يتعدل ويخاف
لا ومايحب يحتك فيك لان يبي ينكت ومايبي احد يلكشه
وهالنوعيات تعتقد انها ظرييييييييييفه
لا مو طبيعي ياجماعه متى تنقرض هالاشكال
وربي مادري شنو يحسوون ياهوووه
ادري دشيت عرض بالموضوع بس حبيت اكتب عن هالنوعيه
وياخي لما يتكلمون هالنوعيات ماودك تسمعهم
لان ماتهضمه من الاساس لا وبعد شنوو
من ورا ظهرك شغالين زلغ فيك وحش
ومايخلون احد ومايحشوون فيه
ونوعيه جبانه ام وجهين اللهم ياكاااااااااافي
يفشلون
يالله ماعليه بروح انخمد
تمسون على خير
ككككككككك
حوووووووسه والطاااااسه مقلوبه
السلام عليكم
يااااااه لازم اتهنا بهالاسبوع لان الاسبوع اللي وراه عندي دوره صج تحسف اني سجلت فيها
ومن لقافتي دقيت سألت قبلوني فيها او لا
طبعا الدوره الاولى طنشوووني لان العدد مااكتمل الثانيه قبلوني فيها مع انه قالوا مايقبلون بهالدورات
لو تسجل مليوون دوره لووووول
صج استانست وبنفس الوقت ضاق خلقي احس راح التزم وانا مااحب الالتزااااام
ومن فينا مايحب الالتزا ,,( حسيت على وزن من فينا هالليله ينام) كككككك
عموما مادري بشوف الاسبوع الجاي واوااااافيكم بأحدااااث هالدور
اليوم تريقت بمطعم قطعة 4 باليرمووك مادري ليش احب هالمطعم لي ذكريات حلوه فيه يمكن
واخذت منه سمبوسه مثلجه حق رمضان كتجربه , لحم , وجبن كرفت , وخضاار , وهذي كبة البطاط الحاره مالت الهنووود امووت عليها هذي
هذول اهم بالفريزر الاجيااااااس قطيتهم فوق بدون ترتيب وعفست الفريزر لووووووول مالي خلق ارتب واشيل واحط
وبالعاااااااااااافيه علينا وعليييكم اكلوا بعيونكم واحنا ناكل ببطوووووووونا وهياااااااااااااااااا
سلام عليكم
اليووووم عيد ميلادي وبعض من مقتطفاته لوووول
طبعا حطيت هالصوره عشان العب بأعصابكم من بدايته ككككككككك
اول شي انا مانمت الا على 10 يمكن الصبح وسحبت على الدوااااام
وكنت بطلع الصبح مع ربعي لي بالليل بس انا رفضت لان لازم احتفل مع اهلي اول شي
طبعا كنسلت الطلعه ونمت وماداومت مررررررررررررررر الوقت ليي بعد المغرب طخ طخ وانا نايم منوووو
اختي تقولي قوم يالله عشان عيد ميلادك مسوين حفلتك . حفلتي لوووول انا مالي خلق اقوم طبعا نمت
ومره الثانيه يدق الباب بنت اختي قوووووووم خالي حمووود مايقولون محمد ياحليلهم لوووول
قعدت تسبحت لبست ضبطت اموري وكل شي وكانوا اهلي مو مقصرين بالشغل الطييييييب
طبعا الحين احط لكم الاطباق ,, وماقصر رفيجي محمد على الكيكه اللي حاط عليها صورتي
بس طبعا ماراح احط لكم صورتي ككككك
لذيذ السمبوسه سمبوسة بيتزاااا عاد فناتق اختي هذي حركااااااااات
وهذي كبه بطاط طالبينها حلوه كانت بس حركااااات التقديم
وهذا ورق عنب بعد طلبينها طبعا تصوير وجوووه اللقه الاولى هالورقه عنب
متبل وطحينيه عجيييييييييييييييييبه
وهذي اختي مسويتها خضار بدبس رمان عجيبه بعد مع الطحينيه لايطووفكم
هذي بنت اخوي الله يخليها مسويه هالسلطه والله حلوه ولذيذه اختي تقول نفس شغلك بالسلطات لوووول بس عجبتني
نجي للحلووووو ياحلوين
هالكيكه جايبتها اختييييي حلوه ويعطيها الف عافيه
وفي كيكه ثانيه بعد بس ماحطيتها لان فيها صورتي لووووووووووول
واحب اكون خلف الاضواااء
وان شاءالله عجبكم العيد ميلاد خفيف وحلو ولكن يعنيلي الكثير والله يحفظ اهلي لي ان شاءالله
واشكر كل اصدقاااائي الصدوقين
