السلام عليكم
في موقف اليوم صار جدامي ماعجبني قلة ادب اسميها او ماادري شنو بالضبط
اليوم وانا بالدوام في واحد معاي بالدوام رجال كبير تقدرون تقولون حوالي 40 عمره او 45 بهالحدود
دش واحد علينا شلونك يابو فلان و و و و الخ
ابو فلان هذا حيل طيب ووحبيب وغشمرجي لدرجة في ناس يقلون ادبهم عليه للأسف اهو طبعا سبب باللي صار معاه اليوم
يدش الحلو اللي قلت لكم عليه شلونك شخبارك ويقعد جنبه ويتغشمر وياه ويسحب عقاله طوفناها
شوي شوي ولا يتل غتره وتطيح منه وهذاك يضحك ادري انه استحى جدامي
بس الثاني قليل ادب صراحه ماتوصل لدرجة تسحب غترته وعيب اصلا هالحركه حتى لو كانت غشمره ماتوصل اسحب الغتره
الثاني على حسب معرفتي فيه سلام وعليكم السلام ماهضمته من اول ماداومت واليوم اثبت انه انسان مايستحي وماظلمته بظني فيه بهالحركه
راح تقولون ميانه عادي لا مو عادي حتى ولو انه مبطلها بحري وياك في حدود لكل شي تربيتك وادبك ماتخليك تسحب غتره او تستهزء فيه بقلة ادب ووقاحه
لانه رجال كبير اهو عموما قعد يطالعني عقب ماطلع الوقح هذاك , يقولي هذا قلبه طيب وجذيه بيرقع الموقف انا ابتسمت بس
اللي بوصله بكلامي ان الانسان اللي كبير بالعمر لازم له احترام وفعلا كل واحد مرآه للبيت اللي تربا فيه
واسف على الاطاله وشكرا
..
الحمدالله و الشكر يعني يستظرف دمه حضرته ماحب هالنوعيه على بو ميانه تمادى واصلا حتى الميانه لها حدود هذي مصخره ووقاحه والله لو شنو يكون الانسان قريب مني ما افشله و احرجه جدام الناس و بدوام بعد هاد شغله و جاي يستعرض تبيه يحترم الناس اهو ما احترم دوامه وماخاف ربه وين يحترم الناس مشكور محمد
ابسط شي الواحد يحترم السن اللي فيه
بالنسبة لي
كل غشمرة زادت عن الحد تعتبر قلة أدب و وقاحه وأبداً ما شوف اللي سواه اللأخ غشمرة!!
والله اكره موضوع الضغاط واللي يحط عالثاني والا يستخف فيه أو يعايره
وهالدور يصير فيها استهزاء باليد….
اعتقد انه هالشخص مو بس قليل ادب إلا دمه ثقيل وجليل ذات و أصل…
وانا لو منك اقلب ويهي واعفسه وابين ان له انك مليييق…
حدي انقثيت
عندنا دكتور جذي..من يتغشمر اطلع من الغرفه..لأني ما حب إنه يهزأ الدكاتره الثانين جدامي..
يعني شوفيني دمي خفيف..وع…
محمد جني قرقت وايد
مساك الله بالنور والكرامة ورضا الوالدين
هذا قليل ادب ومو متربي وفعلا قلتها انت سلوك الانسان وتصرفاته كلها مراة تعكس للواقع والبيئه اللي تربى فيها
نوف , ناس مادري شلون تفكر صراحه ومو محترمين الله المستعان بس ..
لوجك , تعلم منو ولا منوووووووووووووووو ..
سلة ميوه .. صح كلامج وفعلا وقاحه مابعدها وقاحه واسعدني مرووووورج ..
وجوه .. ناس واطيه شتسوين عااااد ..
لو انا مكانك جان سويت وحدة من هالثلاث أول ماسحب الغترة:
1. شهقت حيل (عشان يعرف انك مصدوم)
2. Tsk tsk tsk (عشان تحرجه)
3. أوووففف!! شنو هذا اشهالحركات؟؟؟؟ (عشان تحرجهم أهما الأثنين)
وبصراحة أول ما مشى قليل الأدب كان المفروض تنصح الريّال العود ان مايسمح حق أحد يتطاول عليه بهالطريقة أو أي طريقة ثانية. الغشمرة لها حدود والأدب واجب!
Pisces Chick : والله شقولج كنت بقوله بس قلت مابي اتدخل بخصوصيات الناس … وصح كلامج ..
وشكرا عالمرور .